Shaadi ya function ke liye hall dhoondhne wala insaan pehle phone pe search karta hai. Woh 4–5 halls dekhta hai aur unhi ko call karta hai jinki details saaf dikhti hain.
Agar aapki website pe basic jaankari hi nahi hai, toh woh aage badh jaata hai. Ye checklist batati hai ki function hall ki website pe kya hona chahiye.
1. Capacity, seedha upar
Sabse pehla sawaal hota hai: "Kitne log aa sakte hain?"
- Hall mein kitne log baith sakte hain (seating)
- Kitne log khade ho sakte hain ya total kitne aa sakte hain
- Agar do hall ya lawn hai, toh har ek ki alag capacity
2. Rates ya "starting from" price
Bahut se halls rate chhupa ke rakhte hain. Lekin log rough idea chahte hain.
- Poora rate na batana ho, toh "Starting from ₹…" likho
- Kya-kya shaamil hai: AC, chairs, stage, decoration, generator
- Catering apni hai ya bahar se allowed hai
3. Asli photos
- Hall ki din aur raat dono ki photos
- Stage, dining area, parking aur entrance
- Stock photos mat lagao. Log asli hall dekhna chahte hain.
4. Location aur parking
- Google Maps ka link ya map
- Landmark (jaise "Metro station ke paas")
- Kitni gaadiyan park ho sakti hain
5. Ek click mein contact
- WhatsApp button jo seedha chat khole
- Call button jo phone pe ek tap mein lage
- Ek chhota enquiry form: naam, date, kitne log
6. Dates aur events
- Kaun se events hote hain: shaadi, reception, birthday, corporate
- Agar ho sake toh "date available hai ya nahi, WhatsApp pe poocho" likho
7. Phone pe tez khulna
Zyaadatar log mobile se dekhte hain. Agar site dheere khulti hai, toh woh wapas chale jaate hain. Photos ko compress karke lagao.
8. Google pe dikhne ke basics
- Page ka title mein hall ka naam aur area ho, jaise "Royal Function Hall, Tolichowki"
- Har page pe saaf heading aur description
- Website ka link apne Google Business Profile mein daalo (ye aap khud kar sakte ho)
Short mein
Jo cheez log phone pe poochte hain, woh website pe pehle se likhi honi chahiye: capacity, rate, photos, location aur WhatsApp.
BARKATI function halls ke liye websites banata hai. Business plan ₹5,999 mein 5 pages tak milte hain. Pehle free demo dekho, pasand aaye tabhi aage badho. Details function hall websites page pe hain.